Шымкенттік полицейлер екі кісінің өліміне алып келген ауыр қылмыстың бетін ашты. 

    2012 жылы 4 ақпанда Әл-фараби ПБ-нің 102 жедел нөміріне Жангельдин көшесінде орналасқан өртенген пәтердің ішінде қатыгездікпен өлтірілген  екі әйелдің мәйіті табылғандыңы туралы хабарлама түскен.

     Шұғыл-тергеу іс-шаралары кезінде полиция қызметкірлері  қайтыс болғандар 1940 және 1964 жылы туылған анасы мен қызы  екендігін анықтады. Жәбірленгендердің екеуі де мойнынан және көкірек тұсынан алған пышақ жарақатының салдарынан көз жұмған.

     Әл-фараби ПБ қызметкірлері  жүргізген жедел іс-шаралар нәтижесінде,  сол түні-ақ екі күдікті азамат ұсталды. Олардың бірі қайтыс болған азаматшаның 1986 жылы туылған ұлы. Ал, екіншісі оның 1976 жывлы туылған нақсүйері болып шықты. Күдіктілердің екеуі де бұрын бірнеше рет сотты болған.

     Осы іс бойынша ұсталған азаматтар өз істерін мойындап отыр.

     Оқиға болған күні кешке күдікті өз танысымен, мас халде, анасының үйіне келіп, ақша сұраған. Алайда, сұрағанын ала алмаған күдікті жанжал шығарып, әжесін пышақтаған. Алған дене жарақаттарынан ол оқиға орнында қайтыс болды. Айқай-шудан бөлмеге күдіктінің анасы кірген сәтте күдіктінің нақсүйері оның мойнына жіп салып, қылқындырған. Ал, жәбірленушінің ұлы өз анасының мойнына пышақ ұрған. Қылмыстарын іздерін жасыру мақсатында күдіктілер пәтерді өртеп, оқиға орнынан қашып кетті.

     Осы жәйітке қатысты ҚР ҚК-нің 96-быбы «адам өлтіру» байланысты қылмыстық іс қозғалды.

     Айғақ зат ретінде пышақ және жіп тәркіленді. Тергеу жүргізілуде.